香港新浪網 MySinaBlog
« 上一篇 | 下一篇 »
Jansen | 25th Oct 2006 | 轉會, 英超, 西甲, 傳聞 | (512 Reads)

八卦頭條:皇馬£5m賣碧咸

據太陽報話,皇馬開價£5m讓碧咸重獲新生,並且最早可以於一月離開這傷心地。這個價錢,當然吸引到來自英倫、意大利、美國及其他地方的球會之注意!

對於曼聯球迷來說,很多人都希望他回歸奧脫福,而且他亦公開對曼聯表示「餘情未了」,不過可能性比較低。如果有英倫球會簽他,我估較有可能的會是紐卡素或熱刺這類中型班(當然,以班費來說,熱刺應該是巨型班)。

事實上,紐卡素教頭路達已經講明,希望簽到碧咸。不過其實路達應該搞掂個防守先啦!

巴塞對林伯重燃愛火

鏡報稱,車仔主場力壓巴塞之後,巴塞又再度關注林伯。若車仔未能與林伯達成協議,林伯只需放低£4.5m便可以離隊,因此引起巴塞的關注。而Daily Express卻稱,巴塞會以迪高來換林伯。

車仔的波歷克與國家隊的謝拉特同樣令林伯難以配搭,不過他又可以配合到細哨嗎?如果他與細哨組織中場,林伯就一定要更加防守性。

此外,車仔長遠一定不會依靠波歷克。如果林伯走,他們會買謝拉特回來鎮守中場,還是提攜奧比米基爾呢?

紐卡素主席認球隊白費金錢

紐卡素總裁John Hall爵士稱,球隊被前任領隊(注意,原文的用字是眾數,所指不單只是Souness)浪費了很多金錢在收購無用的球員身上,卻認為現時之主席薜柏利有問題。

鏡報報導,爵士大人認為球迷不應在對米舖時出示「We want Shepherd out」一類之橫額。

他更稱,紐卡素的董事局的確有考慮聘請一個足球總監來「舒緩領隊之壓力」。計我話,紐卡素一日搞唔好董事局同管理層,一日都重有沉重壓力。

恩斯簽加斯居尼

每日郵報報導,恩斯上任成為League Two球隊Macclesfield之領隊之後,立即召老友加斯居尼入伍,開始其救亡行動。事關這支包尾隊伍頗有上季新特蘭在超聯的風範,球季開始不久已經差不多注定降班。以15戰5和10負,只得5分的成積「穩據」聯賽榜末席。比尾二之Boston Utd少7分之多。看來,恩斯下一步可能會成為一支Conference隊的領隊了!

熱刺主場新名稱

自從迪科在熱刺對戰韋斯咸的賽事中,怒咬阿根廷中場馬斯查蘭奴之後,球迷們為熱刺之球場貫以一個全新之名稱:「Bite Hard Lane」 (White Hart Lane)


[1]

我真係好鬼鍾意睇是日八掛…
可以知道好多野


[引用] | 作者 poonwinghang | 25th Oct 2006 | [舉報垃圾留言]

[2]

碧咸既墜落真係可以用一個時代的終結去形容,由當日黃金左腳的碧咸仔,去到今日大後備。我真係無想像過「萬人迷」會變地底泥,我寧願佢快d掛靴,因為我唔想「英雄見白頭」,等於肥哨如果可以早幾年退休,唔好接大陸個個搞笑「金嗓子」廣告的話,真係一個完美結局。


[引用] | 作者 魚皇 | 26th Oct 2006 | [舉報垃圾留言]

[3]
poonwinghang :
我真係好鬼鍾意睇是日八掛…可以知道好多野

知道好多野就唔敢講,因為多數都係吹水料......


[引用] | 作者 Jan | 26th Oct 2006 | [舉報垃圾留言]

[4] Re:
魚皇 :
碧咸既墜落真係可以用一個時代的終結去形容,由當日黃金左腳的碧咸仔,去到今日大後備。我真係無想像過「萬人迷」會變地底泥,我寧願佢快d掛靴,因為我唔想「英雄見白頭」,等於肥哨如果可以早幾年退休,唔好接大陸個個搞笑「金嗓子」廣告的話,真係一個完美結局。

其實佢仲踢得,但我覺得際遇問題。至少佢無將自己搞到好似肥哨咁;而世界盃佢有入球,又有助攻,只係老麥要黎個改朝換代。


[引用] | 作者 Jan | 26th Oct 2006 | [舉報垃圾留言]