香港新浪網 MySinaBlog
« 上一篇 | 下一篇 »
Ben | 14th May 2007 | 一般 | (635 Reads)
前晚看到皇馬由半場輸1:3給愛斯賓奴, 到臨完場前成功反勝4:3, 看得熱血沸騰。我最喜歡此類種形勢, 勁旅先敗, 積極反撲, 最後贏波, 刺激之餘, 又有賠率可賭即場, 正合我意。

我一直有個課題想研究, 是關於假波的存在。 當然難以否應假波的存在。 如果赤裸裸的打假波, 對於球員來說, 即然可以有假波, 何須拼老命, 傷身體? 這一場你叫我去打假放水, 另一場又要我去拼, 弄至頭波血流, 莫非這就是周薪數萬英磅的代價?就以皇馬3月份對塔拉哥納來說, 領先打少一個的塔拉哥納1:0, 皇馬沒有積極進攻, 但對最後對手一個烏龍送多1球2:0, 魯爾的一臉無奈, 就像告訴大家, 糟糕. 開了個上盤, 大家紛紛說假到出面。去到季尾, 皇馬又積極起來, 連場拼博, 到這一刻領先聯賽榜, 極有可能從巴塞手上爭回聯賽冠, 個個讚打得正氣。

另一隊拜仁, 季初反狀態反復, 多場賽事應勝不勝, 最記得有1球, 馬卡爾對著空門, 望望場側, 射斜不入, 又像是說, 呢場唔好入呀? 得! 去到季尾, 連歐聯席位都失了。

不一定是收錢故意打輸, 或兩隊球員與球證一起做場戲, 這種情況真的很少見。就是是強隊兼狀態好不一定贏, 今季有幾場波(默契波)我幾有印象. 自己猜想, 大家可判斷一下。

皆大歡喜型
曼聯封王, 亦一如所料輸給韋斯咸使其護級成功, 自已又冇損失,此關乎球員心態, 一個要救命, 一個冇所謂。

大局為重
AC 開季被扣分, 多場賽事失分, 歐聯之前4位危殆。一月份對森多利亞, AC 先打少一個, 森多利亞又沒有積極進攻, 一路0:0, 及後森多又打少一個, 最後AC 完場前岩布仙尼推人頂入。後來AC多場勝仗, 大哨加入 上半季打得好之巴勒莫到下半季又多場不勝, 當故事聽: 眾隊說, 我們打歐聯未夠班, 不如讓路吧

穩陣出線
羅馬在歐聯主場對薩克達贏4:0, 作客輸0:1, 算吧, 都出線了。

先談到此, 下次再論。

[1]

曼聯對韋斯咸,其實大家都預左佢拎唔晒三分。只不過係輸定係和。咁曼聯都有中楣唔入的機會。我諗即使和,古比都已經好開心。

今日又有朋友講開呢單野,話曼聯放水。即使是曼聯放水,如果韋斯咸之前唔連贏咁多場,也很難絕地反擊,送晒三分俾你都無用。

你睇利記,咪又係一樣。富咸就因為利記上左岸。另外,老撲與查仔雖然都對利記先後「受惠」,但自己唔生性,辜負了利記的「一番心意」


[引用] | 作者 Jansen | 14th May 2007 | [舉報垃圾留言]

[2]

真與假其實問題不大,只要演技出色能夠娛樂大眾就可以。

近年來最印象深刻而又演技差勁的,可算是零二年世界杯南韓對意大利那場,球證的表現簡直驚為天人!


[引用] | 作者 Ming | 15th May 2007 | [舉報垃圾留言]